خرزة

بواسطة عدد القراءات : 288
خرزة

يوسف عبد الرحيم

چلب صوابك بالچبد چن خرزة نص الجلد..

يل الأترف من الدمعة ما تلمس..

ويغار من ريحتك گام الورد..

چا بيش اساگي مرورة الما يرد؟

من اسگي بفراگك احضر لحد! 

گطعت خيوط النيط يا روحتك!

وصوفر وجه صفنتي وگلبي انمرد

شتهيس من الروح ورقة بنهر

وفوگاها طاح الموج واتشگگت

چا روحي تبقى جفاك المن بعد؟

روحي ويه هجرانك يصاحب مشت

اتطشرن سنيني وروحي رادت تلم

وكضيتهه وعاتبت بيهه وبچت

سچه وقطار جفاك ضلعي الفطر

والدنيا بس صفنات عگبك صفت

 

صفنة آعله ذاك الراح تأكل بالضلوع

احرگ بعمري جفاك چن خيط الشموع

Add to your del.icio.us Digg this story StumbleUpon Twitter Twitter Post on Facebook :مشاركة في