يا حلالي - يوسف عبد الرحيم

بواسطة عدد القراءات : 405
يا حلالي - يوسف عبد الرحيم

يا حلالي - يوسف عبد الرحيم

 

 

يا حلالي وشوفتك صارت حرام بحرمة ابنادم كتل بيده طفلتة..

بنص ظلام وراح يدفنهه بحسرته..

وحط ضميره بنص گبرها وما خذته..

مدنس من الشر ضميره وهي عرفت وارفضته..

شلون ينظف هيج واحد..

وين ما تطلع شمس تفضح ظلمته..

وهذا انت وهذا فعلك...بعيني شفته..

شگد كسرت گليبي عمداً وانه متعمد دليلك ما كسرته..

وشگ ضميرك كونه مثل فتوگ گلبي چان رفته..

انتَ انتَ تلوگ بس آعلة اليسود سمعت اهله ويرجع يسود سمعته..! 

وانه چن شباج امام المو نظيف شلون يستاهل حضرته..؟

وهل عفتني...!

سوالفك دين برگبتك..دم عزيزك طاح سكتة..وانت عفته..

الثار من دون المحطة يسافر ويأخذ جنطتة..

الخاين يدور عذر يمسح عملته..!

السچه شالت للقطار حمول كلفه وما نسته..

يدوس فوگ ضلوعها ويكسر ظهرها اتحملته..!

گياش طبعك ما شلت بس الخفيف وهم نكرته..

روج فعلك بس تدبچ فوگ ظهر الشال حملك..

ويوم گلك شيل حملي اتخالفت وي اليحبك ما حملته..

وهسه رايد تحچي همك..انت ضايع وي روحك وين اضمك؟

بخور چنك كلمن يمر آعله طولك بس يشمك..!

وحتى لو راسك يرفعك انت طايح ارماد راسك لا يغرك..!

 

Add to your del.icio.us Digg this story StumbleUpon Twitter Twitter Post on Facebook :مشاركة في