بعدني اشتاگ - جهاد الياسين

بواسطة عدد القراءات : 535
بعدني اشتاگ - جهاد الياسين

بعدني اشتاگ - جهاد الياسين

بعدني اشتاگ..

طوراييك نغم بالروح

يغنن ليل ، ليل فراگ

و بعدني اشتاگ..

گلت انساك..

و يعت بيه الهوه صوبين

و يرسيني اعله بر ذكراك

واشوفك ذاك

و اعطشلك..

و اغنيلك.. شغنيلك..

( أحن لمسامرك والگاك شلگاك )

( شري المعشر ) مراره بوجهك و مگفاك

يماي شما تهد تلگاني ذاك الراگ

و بعدني اشتاگ..

الدرب ناعور..

و خطواته تبوگ اصباي

و جرف متعوب..

طش اسنينه كلهن ماي

ألهث و الحمل مبروص

ينود بروحي هودج آخ

و نفس غربه يشگ ريتي

بكثر حسباتي احس الليل بيهن داخ

و يجر الليل بطيوفك

جَرة مرود لكحله

تعال چفوفي محتامات

خل تشم هـوه الگذله

فت روحي العطش وينك

تعال سوالفك دجله

تعال بدمي شايل شوگ

تعال الليل بيه يبوگ

شايلك غِنه بروحي

لَحد ما تنعس الگمره

بكثر نجمات ليل الله

بيه لشوفتك حسره

 

 

Add to your del.icio.us Digg this story StumbleUpon Twitter Twitter Post on Facebook :مشاركة في